ՏԿԵ նախարարությունը հերքում է ադրբեջանցիների կողմից Հայաստան-Իրան գազատարի պայթեցման լուրը

ՀՀ տարածքային կառավարման և ենթակառուցվածքների նախարարությունը հերքում է տարածված լուրը, ըստ որի՝ ադրբեջանցիները պայթեցրել են Իրան-Հայաստան գազատարը:

«Ի պատասխան www.politik.am լրատվական կայքի դեկտեմբերի 23-ի «Տեսանյութ․ Ադրբեջանցիները պայթեցրել են Իրան-Հայաստան գազատարը» վերնագրով հրապարակման՝ տեղեկացնում ենք, որ հրապարակման մեջ նշված տեղեկությունը, թե երեկ Ադրբեջանի բանակը պայթեցրել է Իրան-Հայաստան գազամուղը, չի համապատախանում իրականությանը։

Իրան-Հայաստան գազամուղը շարունակում է ապահովել անխափան գազամատակարարումը Հայաստան:

Լրատվամիջոցներին հորդորում ենք չտարածել չճշտված տեղեկություններ և ավելորդ խուճապ չառաջացնել հանրության շրջանում»,- նշված է տեքստում: