ՌԴ գլխավոր շտաբը հայտարարել է Ռուսաստանի սահմանների մոտ ՆԱՏՕ-ի սադրանքների ավելացման մասին

Ռուսաստանի սահմանների մոտ ՆԱՏՕ-ի զորավարժություններն ակնհայտ հակառուսական ուղղվածություն ունեն, աճում է սադրանքների թիվը, արձանագրել է ՌԴ ԶՈՒ գլխավոր շտաբի պետ, բանակի գեներալ Վալերի Գերասիմովը:

«Դաշինքի զորքերի պատրաստման միջոցառումներն անցկացվում են ակնհայտորեն արտահայտված հակառուսական ուղղվածությամբ, որոնցում գնալով ավելի են ներգրավվում արտադաշինքային երկրները։ Ռուսական սահմանների մոտ սադրիչ գործողությունների ուժեղացում է նկատվում»,- ասել է Գերասիմովը։

Նրա խոսքով, զգալի աճ է նկատվում նաև ՆԱՏՕ-ի երկրների ռազմական բյուջեներում, նրանց ռազմական ներուժը, այդ թվում՝ ՀՀՊ ոլորտում, շարունակում է աճել:

«Դա էական ազդեցություն է ունենում ուժերի հավասարակշռության վրա՝ կողմերից մեկին առավելություն տալով ռազմավարական սպառազինությունների կիրառման հարցում։ Ավելանում է մեծ հեռահարությամբ, բարձր ճշգրտությամբ և մարտական տեխնիկայի հզորությամբ խոցման ոչ միջուկային զենքի դերը»,- նշել Է գեներալը։

Այդ միջոցների կիրառումը թույլ է տալիս լուծել այն առաջադրանքները, որոնք նախկինում կարող էին կատարվել միայն միջուկային զենքի կիրառմամբ, հիշեցրել Է Գերասիմովը: