Ուրբաթ, 04 ապրիլի, 2025 թ.
|
Ստեփանակերտում`   +8 °C

Հայ և վրացի մշակութային մի շարք գործիչներ պատրաստվում են ստեղծել բարեկամության խորհուրդ

Հայ և վրացի մշակութային մի շարք գործիչներ պատրաստվում են ստեղծել բարեկամության խորհուրդ
1868
Ուրբաթ, 25 դեկտեմբերի, 2020 թ., 21:20

Հայաստանի և Վրաստանի բարեկամությունն ամրապնդելու, երկրու երկրների հարաբերությունները քրիստոնեական արժեքների և սկզբունքների հիմա վրա նորացնելու նպատակով հայ և վրացի մշակույթի, արվեստի մի շարք գործիչներ պատրաստվում են ստեղծել բարեկամության խորհուրդ: Այս գաղափարին իրենց հավատարմությունն են հայտնել 500 վրաց և նույնքան էլ հայ արվեստագետներ։

«Արմենպրես»-ի հաղորդմամբ՝ երկու երկրների մշակույթի, արվեստի և այլ ոլորտների ներկայացուցիչների բարեկամության տեսակոնֆերանսը տեղի ունեցավ դեկտեմբերի 25-ին «Առնո Բաբաջանյան» համերգասրահում:
Հայաստանի մտավոր սեփականության պաշտպանության ասոցիացիայի նախագահ Գագիկ Մանասյանը լրագրողների հետ զրույցում նշեց, որ Վրաստանն Արցախյան երկրորդ պատերազմի ժամանակ փակել էր օդային և ցամաքային տարածքը Հայաստան զենքի մատակարարումը խափանելու համար:

«Վրաստանում կա առողջ մտավորականություն, որը համաձայն չէ իր երկրի վարած քաղաքականությանը: Նրանք մեզ առաջարկել են որպես մխիթարանք, որպես զղջում Հայաստանի մտավորականների հետ վերստեղծել մշակութային, հոգևոր կապեր, և այդ ամենը դնել քրիստոնեական սկզբունքների և արժեքների վրա: Մենք ընդառաջել ենք նրանց»,-շեշտեց Մանասյանը:

Նա տեղեկացրեց, որ նախաձեռնությանը միացել են Վրաստանում հեղինակություն ունեցող մարդիկ, որոնք կարող են հանրային կարծիք ձևավորել: Նրանցից են Վրաստանի կաթողիկոս-պատրիարք Իլիա Երկրորդը, որի օրհնությամբ իրականացվում է գաղափարը, ռեժիսոր, դերասան Ռոբերտ Ստրուան և այլք:

Գագիկ Մանասյանի խոսքով՝ բարեկամական հարաբերությունների դրսևորման ձևերից մեկը հայ, վրացի և այլ ազգերի արտիստների համագործակցությամբ սեպտեմբերին ներկայացված «Ռադամիս» օպերայի աշխատանքների շնորհանդեսն է: Օպերայի բեմադրական աշխատանքները հավանաբար կվերսկսվեն գարնանը:

Տեսակապով քննարկմանը միացած Վրաստանի մտավոր սեփականության պաշտպանության ասոցիացիայի նախագահ Ալեքսանդր Գվարիշվիլին էլ նշեց, որ համավարակի պատճառով անհնարին է դարձել միջազգային մի շարք նախագծերի իրականացումը, ինչպես նաև հայ-վրացական «Ռադամիս» ծրագրի իրագործումը, որը շատ նշանակալի է: «Չնայած պատերազմին, համավարակին, ճգնաժամին այն այնուամենայնիվ կյանքի կկոչվի, իսկ բարեկամության խորհրդի շրջանակում մենք մեր ջանքերը կմիավորենք մշակույթը պահպանելու համար»,-ասաց նա:

Հայկական կողմից միջոցառմանը ներկա էին Հայաստանի կոմպոզիտորների միության նախագահ Արամ Սաթյանը, բալետի արտիստ Ռուդոլֆ Խառատյանը, ռեժիսոր, սցենարիստ Տիգրան Խզմալյանը, խոհարար Սեդրակ Մամուլյանը, իրավապաշտպան Արբակ Խաչատրյանը և այլք:

Միջոցառման կազմակերպիչներն են Հայաստանի և Վրաստանի մտավոր սեփականության պաշտպանության ասոցիացիաները։