«Պիտի առանց խղճի խայթի անպետք բաները դեն նետել». Նարեկ Սարգսյան

Ջութակահար Նարեկ Սարգսյանը ֆեյսբուքյան իր էջում գրել է. «Հայաստանում մարդիկ հին իրերը պահելու ֆոբիա ունեն: Մարդիկ չեն ուզում իրենց հին իրերից բաժանվել: Վաղուց չօգտագործվող իրերը տարիներով, նույնիսկ տասնյակ տարիներով պահում են՝ չգիտես որ օրվա համար: Հին շորեր, բարոյապես մաշված տեխնիկա, հին սպասք, թղթեր ու էլ ինչ ասես... ու չեն ուզում դեն նետել: Էդ հայկական սովորության մասին նույն Շառլ Ազնավուրն ա գրել. ասում ա՝ մենք չենք սիրում իրերը դեն նետել: Մենք մի 30 տարի պահում ենք նկուղում, մինչև փոշոտվում-փտում են, նոր միայն դեն ենք նետում: Գրազ կգամ, որ ցանկացածիս խորդանոցում, նկուղում կամ ձեղնահարկում լիքը իրեր կան, որոնք արդեն հինգ տարուց ավելի չենք օգտագործում: Հազար բան պահում ենք, որովհետև մի օր «Հանկարած կարող ա պետք գա», բայց ինքներդ մտածեք, նույնիսկ եթե 7 տարի հետո էդ իրը պետք գա, իմաստ ունի՞ 7 տարի դա պահել, ավելի հեշտ չի՞ 7 տարի հետո նորից առնելը: Իսկ հաճախ էլ հենց էդ իրը պետք ա գալիս, տեղը չենք իմանում ու մեկ ա գնում առնում ենք խանութից, դա ավելի հեշտ է:
Մի խոսքով հին իրերից կառչելը անիմաստ բան ա: Պիտի առանց խղճի խայթի անպետք բաները դեն նետել: Եթե դու իրը 1-2 տարուց ավելի չես օգտագործել, ուրեմն կա՛մ տուր ինչ-որ մեկին, որը էսօր դրա կարիքը ունի, կա՛մ եթե ոչ մեկը կարիքը չունի, դեն նետիր առանց ափսոսալու: Տան մեջ, նկուղում, ձեղնահարկում ավելի լավ է ազատ տարածություն ունենալ, քան տունը լցնել ամեն տեսակի աղբով»: