Կիմ Չեն Ընը ամանորյա ելույթ չի ունեցել

Հյուսիսային Կորեայի առաջնորդ Կիմ Չեն Ընը ամանորյա ելույթ չի ունեցել, այլ սահմանափակվել է ժողովրդին ուղղված ձեռագիր նամակով։ Նամակի տեքստը հրապարակել Է Կորեայի կենտրոնական հեռագրային գործակալությունը։
«Սրտանց մաղթում եմ երկրի բոլոր ընտանիքներին թանկագին երջանկություն, էլ ավելի բարգավաճում և բարեկեցություն սիրելի ժողովրդին»,- գրել է Հյուսիսային Կորեայի առաջնորդը:
Նա նաև խոստացել է ավելի մեծ եռանդով պայքարել «ժողովրդի իդեալների և նկրտումների նոր դարաշրջանը մոտեցնելու համար»:
ԿԺԴՀ-ը նոր տարին տոնական համերգով է դիմավորել Փհենյանի կենտրոնական հրապարակում, այն հեռարձակվել է հեռուստատեսությամբ և ավարտվել հրավառությամբ: