Երկուշաբթի, 23 փետրվարի, 2026 թ.
|
Ստեփանակերտում`   +4 °C

Ադրբեջանի կողմից խոցված ռուսական Մի-24-ի վերաբերյալ քրեական գործը վերաորակավորվել է ավելի ծանր հոդվածի

Ադրբեջանի կողմից խոցված ռուսական Մի-24-ի վերաբերյալ քրեական գործը վերաորակավորվել է ավելի ծանր հոդվածի
1154
Երկուշաբթի, 04 հունվարի, 2021 թ., 19:35

2020 թվականի նոյեմբերի 9-ին Ադրբեջանի կողմից խոցված ռուսական Մի-24-ի վերաբերյալ քրեական գործում փոփոխություն է կատարվել:
Ռուս հետաքննիչները վերաորակավորել են գործն ավելի ծանր հոդվածի շրջանակում։ Այս մասին հայտնում է «Ինտերֆաքս»-ի աղբյուրը:

«Քրեական գործը, որն ի սկզբանե հարուցվել էր անզգուշությամբ մահվան հանգեցրած թռիչքների խախտման հոդվածի շրջանակում, վերաորակավորվել է ավելի ծանր հոդվածի՝ երկու կամ ավելի անձի կանխամտածված սպանություն»,- տեղեկացնում է գործակալությունը։