«Եթե ՊՆ-ում զոհերի իրական թվերը չգիտեն, ինչպե՞ս էին այդքան ճշգրիտ հաշվում Ադրբեջանի զոհերի թվերը»․ Ա․ Զաքարյան

Պաշտպանության նախկին փոխնախարար Արտակ Զաքարյանը ֆեյսբուքյան իր էջում գրել է. «ՀՀ ՊՆ-ն, ըստ pastinfo.am կայքի, հայտարարել է, որ պատերազմի ընթացքում զոհված հայ զինծառայողների իրական թիվը պետական (կամ ծառայողական) գաղտնիք է։
Առնվազն տարօրինակ է, երբ պատերազմի օրերին, իբրև թե չէին թաքցնում մեր զոհերի մասին իրական տվյալները, և հայտարարում էին ամենօրյա ռեժիմով։ Իսկ պատերազմից հետո, զոհերի իրական թիվը հանկարծ որոշեցին դարձնել գաղտնի՞ք։ Ո՞րն է տրամաբանությունը, երբ սովորաբար հակառակն է լինում։
Իսկ եթե ՊՆ-ում առ այսօր մեր զոհերի իրական թվերը չգիտեն, ապա ինչպե՞ս էին պատերազմի օրերին այդքան ճշգրիտ հաշվում Ադրբեջանի զոհերի թվերը (օրինակ՝ հոկտեմբերի 31-ի դրությամբ, ՊՆ-ն հայտարարել է, որ Ադրբեջանն ունի 6947 զոհ)։
Հ.Գ. Զոհերի իրական թիվը չհրապարակելը բխում է միայն Նիկոլի շահերից»։