Լոնդոնում արտակարգ դրություն է հայտարարվել

Լոնդոնի քաղաքապետ Սադիկ Խանը քաղաքում արտակարգ դրություն է հայտարարել: Նրա խոսքով՝ COVID-19-ով պայմանավորված՝ իրադրությունը երկրում հասել է ծայրահեղ մակարդակի, իրավիճակը դարձել է անվերահսկելի:

Վերջին անգամ քաղաքում արտակարգ դրություն է հատարարվել 2017 թվականին՝ Վեսթմինսթերյան ու Լոնդոնյան կամուրջներում տեղի ունեցած ահաբեկչություններից հետո: Քաղաքապետը նաև դիմել է Մեծ Բրիտանիայի վարչապետ Բորիս Ջոնսոնին՝ խնդրելով ավելացնել մայրաքաղաքի բնակիչներին տրվող ֆինանսական օգնությունը, որոնք ստիպված են ինքնամեկուսանալ՝ զրկվելով աշխատելու հնարավորությունից: Ըստ վերջին տվյալների, Լոնդոնի հիվանդանոցներում բուժվում է ավելի քան 7000 վարակակիր:

Վերջին մեկ շաբաթում օրական միջինը 13 հազար մարդ վարակվում է կորոնավիրուսով: Ընդհանուր առմամբ, համավարակի բռնկումից ի վեր կորոնավիրուսով վարակվել է 463 հազար մարդ, մահացել ավելի քան 9000-ը: 2021-ի հունվարի 6-ից Մեծ Բրիտանիայի ողջ տարածքում հայտարարվել է լոքդաուն: