«Հայաստանն իրավունք չունի այս պատմական սխալն անելու». Դավիթ Սանասարյան

Լիազորությունները կասեցված ՊՎԾ պետ Դավիթ Սանասարյանը ֆեյսբուքյան իր էջում գրել է. «Վաղն ամենակարևոր հարցը, որ պետք է լուծվի դա գերիների վերադարձի, ադրբեջանցիների թիկունքում մնացած մեր զինվորների որոնողափրկարարական աշխատանքների, զոհվածների մարմինների հայտնաբերման, անհետ կորածների ճակատագիրը պարզելուն ուղղված միջոցառումների վերաբերյալ փաթեթային այս հարցն է։ Որքան էլ, որ Ադրբեջանը փորձի վերոնշյալ հարցի դիմաց առաջ մղել իր տարածքային ամբողջականության և/կամ սահմանների ճանաչման հարցը, Հայաստանն իրավունք չունի այս պատմական սխալն անել՝ անկախ նրանից, թե երկրի ղեկավարի անուն ազգանունն ինչ է։

Մեր սերունդների երազելու իրավունքն ու ապագա հնարավորությունները չպետք է սահմանափակել ոչ մի կերպ»։