Ռուսաստանում հայտնաբերել են կորոնավիրուսի «բրիտանական» շտամի առաջին դեպքը

Ռուսաստանում առաջին անգամ կորոնավիրուսի «բրիտանական» շտամ են հայտնաբերել, հայտնել Է Ռոսպոտրեբնադզորի ղեկավար Աննա Պոպովան, փոխանցում է РИА Новости-ն:

Նա պարզաբանել է, որ վիրուսի այդ մուտացիան հայտնաբերվել է Մեծ Բրիտանիայից վերադարձած ռուսաստանցիների հետազոտության ժամանակ:

Հիշեցնենք, որ դեկտեմբերի կեսերին հայտնի է դարձել Բրիտանիայում հայտնաբերված կորոնավիրուսի SARS-CoV-2 նոր մուտացիայի մասին։ Նոր շտամն ավելի արագ է տարածվում և հասարակությունից ավելի մեծ զգուշություն է պահանջում: