«Ալիևի կողմից ծաղրի ենթարկված Փաշինյանը նստելու է բանակցությունների այդ նույն Ալիևի հետ». Անի Սամսոնյան

ԱԺ ԼՀԿ խմբակցության պատգամավոր Անի Սամսոնյանը լրագրողների հետ զրույցում անդրադառնալով այսօր Մոսկվայում նախատեսված եռակողմ հանդիպմանը, ասաց. «Բոլորը կենտրոնացած են, թե ինչ է քննարկվելու, բայց կարծում եմ՝ դա շատ պարզ է. մենք պետք է ավելի շուտ անհանգստանանք այն մասին, թե ինչպես է անցնելու քննարկումը: Ըստ երևույթին, քննարկվելու է երկու հարց, որոնցից մեկը վերաբերում է ռազմագերիներին, մյուսը՝ հայտարարության 9-րդ կետին՝ տրանսպորտային ճանապարհների ու ենթակառուցվածքների ապաշրջափակմանը: Բանակցողը՝ Նիկոլ Փաշինյանը, ով այս ընթացքում ծաղրի է ենթարկվել Ադրբեջանի նախագահի կողմից, նստելու է բանակցության այդ նույն նախագահի հետ: Սա բարոյահոգեբանական խորը խոչընդոտներ կարող է ստեղծել՝ բանակցություններում հայանպաստ լուծումներ ձևակերպելու շուրջ»:

Մանրամասները՝ տեսանյութում: