Պեսկովը հաստատել է, որ բժիշկների խումբ է ժամանել Հայաստան

Ռուս լրագրող Անդրեյ Կոլեսնիկովը Коммерсантъ-ում հրապարակած հոդվածում գրել է․ «Հունվարի 11-ին Կրեմլում Ռուսաստանի նախագահ Վլադիմիր Պուտինը հանդիպել է Ադրբեջանի նախագահի և Հայաստանի վարչապետի հետ:
Ինչպես հայտնի է, բոլոր նրանք, ովքեր անձամբ են հանդիպում Վլադիմիր Պուտինին, պարտավոր են դրանից առաջ լինել կարանտինում։

Ռուսաստանի նախագահի մամուլի քարտուղար Դմիտրի Պեսկովն ինձ հայտնեց, որ մոսկովյան հանդիպմանն ընդառաջ ռուս բժիշկների խմբեր են մեկնել 2 երկրներ: Թե ինչու՝ չնշեց, թեպետ դժվար չէ ենթադրել: Դժվար թե ռուս մասնագետները վստահեին հայ և ադրբեջանցի գործընկերների ներկայացրած անալիզներին՝ կորոնավիրուսի, ինչպես նաև հակամարմինների հետ կապված: Ռուս մասնագետներն իրենք պետք է դա անեին: Արդյունքը, երևում է, գոհացնող է եղել»։