«Ինչո՞ւ չեք շոշափում Խաչատուրյան, Կոստանյան անունները». Գագիկ Ջհանգիրյան

«Մատաղիսի գործով, երբ այդ դատապարտյալներն ազատվել են կալանքից, ես արդեն պաշտոնավարել եմ Գլխավոր դատախազությունում, Զինվորական դատախազը եղել է Արմեն Խաչատուրյանը։ Լրացուցիչ նախաքննության արդյունքներում նոր Զինվորական դատախազը նույն մեղադրյալներին նույն մեղադրանքներով հաստատել է մեղադրական եզրակացությունը նույն հոդվածներով և ուղարկել դատարան։ Դատարանում գործը քննելիս զինվորական դատախազը եղել է արդեն Գևորգ Կոստանյանը։ Գևորգ Կոստանյանն իր մեղադրողներով այդ գործը տարել է մինչև վերջ: Ինչո՞ւ չեք շոշափում Խաչատուրյան, Կոստանյան և այլ անունները: Չէ՞ որ այդ երկու դատախազն էլ արել են նույնը, ինչ արել է Ջհանգիրյանը»,- այսօր ԱԺ ճեպազրույցի ժամանակ անդրադառնալով իր կառավարման տարիներին «կոծկված» հանցագործություններին առնչվող հարցին, ասել է նախկին զինդատախազ Գագիկ Ջհանգիրյանը: