«Հայաստանի ռուս-թուրքական օկուպացիայի դեմ պետք է այսօր պայքարել, ոչ թե՝ հետին թվով». Վահագն Ավագյան

Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է․ «Երևի Սահակյան Սուրոները նայում են էսպիսի նյութերը, մտածում են. «էս միամիտներին տես: Էս խելքով ո՞նց են պատգամավոր ու նախարար դառնալու էս ռուսատյացները»:
Չի ասում՝ արդյո՞ք խելամիտ նպատակ է պատգամավոր ու նախարար դառնալը գաղութացված երկրում: Արդյո՞ք ինձնից առաջ հարյուրավոր պատգամավորներն ու նախարարները, նախագահներն ու վարչապետներն ինձնից ավելի քիչ էին խորամանկ, խելացի կամ «նվիրյալ»: Բա էդ դեպքում ինչո՞ւ է Հայաստանը միշտ դեպի կործանում գնացել:
Կամ միգուցե մտածում է՝ ինչու՞ ես ռիսկի դիմեմ, թող Ժիրայր Սեֆիլյանները, Վարուժան Ավետիսյաննները, Արա Պապյանները, Շանթ Հարությունյանները, Տիգրան Խզմալյանները, Գարեգին Չուգասզյանները ու Ալբերտ Բաղդասարյանները պայքարեն, հարվածներ ընդունեն, եթե հաջողեն, Ռուսաստանն էլ Արևմուտքի հետ պայքարում ջախջախվի, կողքից կգամ կասեմ՝ ես էլ քաղաքական գործիչ էի, ինձ էլ կընտրեն, էլի «կարյեռա» կանեմ, դե իսկ եթե չհաջողեն, ես սաղ սալամաթ դուրս կգամ ամենաքիչը, իսկ լավագույն դեպքում գաղութ Հայաստանում պատգամավոր կաշխատեմ, հարցազրույցներ կտամ, «ռեֆորմներ» կառաջարկեմ, ճանաչելի կլինեմ և այլն:
Ով էլ որ կասի, բայց էդ խորամանկություն չի, դա ուրիշ բան է, կանվանարկեմ, կասեմ՝ մեջդ չարություն կա, պետք է մարդկանց սիրել սովորես և այլն...
Հայաստանի ռուս-թուրքական օկուպացիայի դեմ պետք է այսօր պայքարել, ոչ թե հետին թվով: Ամեն մեկն իր տեղում: Եթե քաղաքական գործիչ ես, ապա պետք է խոսքով հանրությանը բացատրես, թե ինչը ինչու է տեղի ունեցել և տեղեկատվական հոսքերը, որոնք նպատակ ունեն հայության ուշադրությունը շեղել Ռուսաստանի ու դրա հատուկ ծառայությունների դավաճանական գործողություներից դեպի բացառապես Թուրքիայի գործողություններ պետք է բացահայտվեն քաղաքական գործիչների կողմից: Սա առնվազն խոսքի մակարդակում, եթե անգամ գործելու մոտիվացիա ու մտադրություն չունես, ինչը նույնպես տարօրինակ է քաղաքական գործչի դեպքում»: