Քոչարյանի և մյուսների գործով դատախազները վարույթից չեն հեռացվի

Երևանի ընդհանուր իրավասության դատարանը (Շենգավիթի նստավայր) հրապարակեց Ռոբերտ Քոչարյանի և մյուսների գործով մեղադրող դատախազներին վարույթից հեռացնելու պաշտպանների միջնորդության վերաբերյալ որոշումը: «Դատարանը որոշեց՝ պաշտպանների կողմից մեղադրողներ Արթուր Դավթյանին, Պետրոս Պետրոսյանին և Գևորգ Բաղդասարյանին հայտնված բացարկները մերժել: Որոշումը ենթակա չէ բողոքարկման»,- հայտարարեց Աննա Դանիբեկյանը: