Հայտնաբերվել է ևս 8 զինծառայողի աճյուն. ԱՀ ԱԻՊԾ

828

Ուրբաթ, 29 հունվարի, 2021 թ., 09:45

ԱՀ Արտակարգ իրավիճակների պետական ծառայությունը հայտնում է. «Ջրականի (Ջաբրաիլ) շրջանից հայտնաբերվել է ևս 8 աճյուն. հունվարի 28-ին իրականացված որոնողական աշխատանքների արդյունքում Արցախի փրկարարները հայտնաբերել են ևս 8 զոհված զինծառայողի աճյուն:

Մարմիններն անճանաչելի են, միայն դատաբժշկական փորձաքննությունից հետո պարզ կլինի նրանց ինքնությունը:

Որոնողական աշխատանքների ընթացքում հունվարի 28-ի տվյալներով հայտնաբերվել է ընդհանուր 1329 աճյուն, որից 15-ը նախնական տվյալներով՝ քաղաքացիական անձինք են: Փրկարար-որոնողական աշխատանքներն այսօր շարունակվում են Մարտունու, Հադրութի և Ջրականի (Ջաբրաիլ) շրջաններում»: