«Ես բոլորի հետ եմ, ովքեր պայքարում են Նիկոլի դեմ»․ Միքայել Մինասյան

Վատիկանում ՀՀ նախկին դեսպան Միքայել Մինասյանը Telegram-ի իր էջում գրել է․ «Ինձ հաճախ են հարցնում, թե ինչպե՞ս եմ վերաբերվում այս կամ այն քաղաքական գործչին։ Պատասխանում եմ՝ ինձ համար բոլորը հավասար են, և բոլորը համախոհ են, եթե նրանք ԴԵՄ են Նիկոլին։

Ինձ պարբերաբար հարցնում են որևէ քաղաքական միջոցառման նկատմամբ իմ վերաբերմունքի մասին՝ լինի դա պիկետ, հանրահավաք, թե կլոր սեղան։ Պատասխանում եմ՝ բոլորի հետ եմ և բոլորի համար, եթե նրանք Նիկոլի ԴԵՄ են։
Ինձ նաև հաճախ են հարցնում Նիկոլին ԴԵՄ մարդկանց՝ անձամբ իմ մասին տարբեր և հաճախ հակասական կարծիքների մասին։ Պատասխանում եմ՝ ինչ էլ որ ասեն այդ մարդիկ իմ մասին և անկախ նրանից, թե ինչպես են նրանք գործել անցյալում, միևնույն է, ավելի լավն են, քան Նիկոլը։
Այլևս մի տվեք այդ հարցերը:

Ես բոլոր նրանց հետ եմ, ովքեր պայքարում են Նիկոլի ԴԵՄ, չեն գործում նրա հետ ու չեն լեգիտիմացնում նրան, ովքեր գործարքներ չեն կնքում ու չեն վաճառվում։ Նրանց, ովքեր ԴԵՄ են Նիկոլին, ես պատրաստ եմ ներել ամեն ինչ՝ սկսած անցյալի զանցանքներից ու վիրավորանքներից, վերջացրած ինձ հասցեագրված բամբասանքներով ու վիրավորանքներով:

Ներկայիս իշխանությունն ստիպեց բոլոր հայրենասերներին՝ անկախ նրանց քաղաքական համոզմունքներից, դառնալ թունդ ընդդիմադիր։ Ես վստահ եմ, որ դավաճանին իր աթոռից հանելուց հետո մենք ժամանակ կունենանք վիճաբանելու մեր տարաձայնությունների մասին։ Բայց մինչ այդ խնդիրը մեկն է՝ զրոյացնել նրանց ազդեցությունը, ովքեր մեզ կխանգարեն վերակառուցել մեր հայրենիքը»։