«Նոր, կեղծ դիսկուրս է ծավալվում». Արման Բաբաջանյան

ԱԺ պատգամավոր Արման Բաբաջանյանը ֆեյսբուքյան իր էջում գրել է. «Նոր, կեղծ դիսկուրս է ծավալվում՝ ժողովրդավարությո՞ւն, թե՞ անվտանգություն:
Մեր քաղաքական ուժի, անձնապես ինձ համար հենց ժողովրդավարությունն է, որ պետք է դառնա ինչպես մեր անվտանգության, այնպես էլ արտաքին քաղաքականության սնուցման հիմնական աղբյուրը, ժողովրդավարությունն՝ իր բոլոր կառուցակարգերով ու ինստիտուտներով, սկսած մարդու հիմնարար իրավունքների ու ազատությունների պաշտպանությունից, մինչև ու ամենակարևոը՝ անկախ դատական իշխանություն ու նրանից ածանցվող այլ ենթահամակարգեր։
Ընդունելով որ ժողովրդավարությունը ոչ թե անվտանգության և արտաքին քաղաքականության ածանցյալ է, այլ սկզբնաղբյուր, մենք հենց ժողովրավարության վերնաշենքի վրա պետք է կարողնանք կառուցել և՛ մեր անվտանգային, և՛ դիվանագիտական կառուցակարգերը։ Հետևաբար, ինչպես ներքին կյանքում, այնպես էլ անվտանգային ու արտաքին քաղաքականության հարթություններում ժողովրդավարության պաշտպանությունն ու կայացումը մեզ համար ունեն կենսական, անկյունաքարային նշանակություն»։