Բողոքի ակցիաներ՝ Մոսկվայում և Սանկտ Պետերբուրգում. ոստիկանները բերման ենթարկելիս կիրառել են էլեկտրաշոկեր

Այսօր Մոսկվայում չարտոնված բողոքի ցույց է տեղի ունեցել, որին մասնակցել է շուրջ 2000 մարդ՝ ներառյալ լրատվամիջոցների ներկայացուցիչները: Հաղորդվում է, որ մասնակիցներից շուրջ 600-ն սկսել են երթով շարժել մայրաքաղաքի մայթերով, այժմ նրանց հսկում են իրավապահները:

Բողոքի ցույցեր են տեղի ունեցել նաև Սանկտ Պետերբուրգում: Այստեղ ցուցարարները հասել են մինչև Մարիինյան պալատ, որտեղ նստաշրջան է անցկացնում քաղաքային խորհրդարանը: Սակայն որոշ ժամանակ անց ուժայինները ցրել են ցուցարարներին: RBK-ն հաղոդում է, որ Պիոներների հրապարակում տեղի են ունեցել բախումներ ցուցարարների և ուժայինների միջև: Կան բերման ենթարկվածներ, այդ թվում՝ ռեփեր Օկսիմիրոնը:

Սեննի հրապարակում ոստիկաններն էլեկտրաշոկ են կիրառել ցուցարարներին բերման ենթարկելու ժամանակ:

ОВД-Инфо-ի տվյալներով՝ միայն Մոսկվայում բերման է ենթարկվել 500 ցուցարար: