Իրանը նոր կրող հրթիռի փորձնական արձակում է իրականացրել

Իրանը նոր կրող հրթիռի փորձնական արձակում է իրականացրել, հայտնել է Իսլամական Հանրապետության պաշտպանության նախարարությունը:

Հրթիռը, որը նախատեսված է արբանյակներ ուղեծիր դուրս բերելու համար, կրում է «Զուլջանահ» անվանումը և իրանական հրթիռներից ունի ամենահզոր շարժիչը, որն աշխատում է պինդ վառելիքով:

«Այս կրող հրթիռը կարող է 220 կիլոգրամ կշռող արբանյակը դուրս բերել 500 կիլոմետր բարձրության վրա»,- ասված է գերատեսչության հաղորդագրության մեջ:

Հավելենք, որ Իրանն առաջին անգամ պինդ վառելիք է օգտագործել կրող հրթիռի արձակման համար։

Հավելենք, որ 2020 թվականի ապրիլին Իրանն առաջին անգամ արձակել է ռազմական արբանյակ: Qassed հրթիռը ուղեծիր է հանել Noor-1 սարքը: