Թուրքիայի իշխանությունները կրկին բացում են Արարատ լեռը լեռնագնացների համար

Արարատ լեռը Թուրքիայի կողմից ավելի քան 5 տարի փակ է եղել զբոսաշրջիկների և լեռնագնացների համար, փետրվարի 4-ից այն կրկին հասանելի կլինի վերելքների համար: Այս մասին հայտնել են երկրի լեռնագնացության ֆեդերացիայից:
2015 թվականին Արարատը հայտարարվել էր «անվտանգության հատուկ գոտի» և հասանելի չէր այցելությունների համար, երբ երկրի արևելքում վերսկսվել էին ռազմական գործողությունները Քրդական աշխատավորական կուսակցության դեմ:
«Երկար դադարից հետո սկսվում են ձմեռային վերելքները դեպի Արարատ լեռը։ Առաջինը կկատարեն մեր ֆեդերացիայի մարզիչները»,- ասված է կազմակերպության հաղորդագրության մեջ։