«Սիրիացի գրոհայինները պետք է լքեն ղարաբաղյան հակամարտության գոտին». Զաս

Սիրիացի գրոհայինները պետք է լքեն ղարաբաղյան հակամարտության գոտին, այս մասին առցանց ճեպազրույցի ժամանակ ասել է ՀԱՊԿ գլխավոր քարտուղար Ստանիսլավ Զասը։
«Մենք տեղեկություններ ունեինք Լեռնային Ղարաբաղի հակամարտության գոտում Սիրիայից գրոհայինների ներկայության և գործողությունների մասին»,- ասել է Զասը։ «Վարձկանները, սիրիացի գրոհայինները պետք է լքեն այդ տարածքը, դադարեցնեն իրենց գործունեությունը։ Հավաքական անվտանգության պայմանագրի կազմակերպության անդամ երկրների անմիջական հարևանությամբ անօրինական զինված խմբավորումների ստեղծումը ռիսկեր է պարունակում մեր անվտանգության համար»,- հավելել է նա: