Իշխանությունը մտքափոխվել է. երբ կլինեն արտահերթ ընտրությունները․ «Հրապարակ»

726

Չորեքշաբթի, 03 փետրվարի, 2021 թ., 09:30

«Հրապարակ» թերթը գրում է. «Հավանաբար, այս շաբաթ կհրապարակվի նոր Ընտրական օրենսգրքի նախագիծը․ երեկ ասաց «Իրազեկ քաղաքացիների միավորում» ՀԿ ղեկավար Դանիել Իոաննիսյանը։ Նրա պնդմամբ՝ նոր օրենսգրքում այլեւս չի լինի ռեյտինգային ընտրակարգը, և եթե խորհրդարանն ընդունի նախագիծը, ապա առաջիկա ընտրությունները կանցկացվեն համամասնական ընտրակարգով։

Ըստ ամենայնի՝ ԱԺ-ում ԸՕ նախագիծը կքվեարկվի ապրիլի վերջերին, քանի որ որոշել են լսել նաև Վենետիկի հանձնաժողովի կարծիքը, իսկ հանձնաժողովի նիստը մարտին է։ Իոաննիսյանն ասաց նաև՝ լավ կլինի, որ օրենսգիրքն ընդունելուց 6 ամիս հետո միայն ընտրություն կազմակերպեն․ «Իհարկե, տեխնիկապես մեկ ամիս հետո էլ է հնարավոր, բայց ցանկալի չէ»։

Դատելով այս հայտարարություններից՝ կարելի է ենթադրել, որ իշխանությունը մտքափոխվել է և պլանավորել է արտահերթ ընտրություններն անցկացնել ամենաշուտը աշնանը»:

Մանրամասները՝ թերթի այսօրվա համարում։