Երկուշաբթի, 09 մարտի, 2026 թ.
|
Ստեփանակերտում`   +1 °C

ԱՄՆ Կոնգրես է ներկայացվել հակառուսական պատժամիջոցների նախագիծ՝ Նավալնիի գործի հետ կապված

ԱՄՆ Կոնգրես է ներկայացվել հակառուսական պատժամիջոցների նախագիծ՝ Նավալնիի գործի հետ կապված
1264
Հինգշաբթի, 04 փետրվարի, 2021 թ., 15:25

Ամերիկացի մի խումբ սենատորներ Կոնգրես են ներկայացրել օրինագիծ, որը պատժամիջոցներ է սահմանում Ռուսաստանի դեմ՝ Ալեքսեյ Նավալնիի հետ կապված իրավիճակի պատճառով։ Այս մասին գրում է РИА Новости-ն՝ հղում անելով սենատոր Մարկո Ռուբիոյի հայտարարությանը։ Փաստաթուղթը ներկայացրել են սենատորներ Մարկո Ռուբիոն, Քրիս Քունսը, Բեն Քարդինը, Միթ Ռոմնին, Քրիս Վան Հոլենը և Ռիչարդ Դուրբինը:

«Օրինագիծը նախատեսում է կետային պատժամիջոցների սահմանում ռուս պաշտոնյաների դեմ, որոնք առնչություն ունեն միջազգային իրավունքի կոպիտ խախտումների հետ»,- ասված է հաղորդագրության մեջ:

Հեղինակները նաև խնդրում են ԱՄՆ իշխանություններին պարզել, թե արդյոք Ռուսաստանն օգտագործել է քիմիական և կենսաբանական զենք։

Բացի այդ, պատժամիջոցները կարող են ազդել «Հյուսիսային հոսք 2» գազատարի վրա։ Փաստաթղթի հեղինակները կոչ են անում Գերմանիային՝ հրաժարվել նախագծին աջակցելուց։