«Բանակցություններ են տարվում ՅՈՒՆԵՍԿՕ-ի առաքելության այցը ԼՂ կազմակերպելու շուրջ». Զախարովա

Ներկայում բանակցություններ են ընթանում ՅՈՒՆԵՍԿՕ-ի առաքելության այցը ԼՂ կազմակերպելու վերաբերյալ։ Այս մասին ճեպազրույցի ժամանակ հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ անդրադառնալով Լեռնային Ղարաբաղի՝ ադրբեջանական վերահսկողությանն անցած տարածքներում գտնվող եկեղեցիների և մշակութային կոթողների պահպանության հարցին։
«Որքանով տեղյակ եմ, այժմ բանակցություններ են ընթանում ՅՈՒՆԵՍԿՕ-ի նախնական առաքելության այցը Լեռնային Ղարաբաղ և Ադրբեջանի հարակից շրջաններ կազմակերպելու շուրջ։ Մենք հույս ունենք, որ այդ ուղևորությունը կկայանա, և այն կլինի մոտ ապագայում։ Այն կնպաստի տարածաշրջանում փոխադարձ վստահության ամրապնդմանը»,- ասել է Զախարովան։