Նիդերլանդներում Ադրբեջանի դեսպանը հրաժարվել է ելույթ ունենալ՝ հայկական կողմի մասնակցության պատճառով

Հերթական սկանդալն է հասունանում Նիդերլանդների և Ադրբեջանի միջև։ Հաագայում Ադրբեջանի դեսպան Ֆիքրեթ Ախունդովը վերջին պահին չեղյալ է հայտարարել իր մասնակցությունը արտաքին գործերի խորհրդարանական հանձնաժողովի նիստին՝ իմանալով, որ Հայաստանի դեսպանը նույնպես հրավիրվել է այդ նիստին։ Այս մասին հայտնում է Инфотека24-ը։
Արտաքին գործերի հանձնաժողովը, որպես փոխզիջում, դեսպաններին առաջարկել է առանձին ելույթ ունենալ և նիստին չմասնակցել միաժամանակ:
Սակայն, հանձնաժողովի նախագահ Ջոել Ֆոնդևինդի խոսքով՝ Ադրբեջանի դեսպանն այդ տարբերակից էլ է հրաժարվել։
Նիդերլանդներում ՀՀ դեսպան Տիգրան Բալայանը ելույթ է ունեցել արտաքին գործերի հանձնաժողովի նիստում: