Արցախ է վերադարձել 52 415 բնակիչ

687

Հինգշաբթի, 11 փետրվարի, 2021 թ., 11:50

Արցախում ռուս խաղաղապահ զորախումբը շարունակում է ապահովել քաղաքացիների՝ իրենց մշտական բնակության վայր վերադառնալու անվտանգությունը, քաղաքացիական ավտոտրանսպորտի երթևեկությունը, պարենի և տարբեր ապրանքների փոխադրումը Լաչինի միջանցքով: Այս մասին հայտնում է ՌԴ ՊՆ կայքը։

«1 օրում Հայաստանից Արցախ է վերադարձել 27 մարդ»,- ասված է հայտարարության մեջ։

Ընդհանուր առմամբ, 2020թ. նոյեմբերի 14-ից Արցախում իրենց նախկին բնակության վայր է վերադարձել 52 415 մարդ։