«2-րդ բանակային կորպուսի հրամանատարը միանշանակ հեռացվելու է պաշտոնից և դատապարտվելու է». Մոնախ

«2-րդ բանակային կորպուսի հրամանատար Արայիկ Հարությունյանը թույլ է տվել թուրքը մտնի Սոթք: Ես ցանկացածին դա ապացուցելու եմ հենց ռազմական գիտության տեսանկյունից, որ ինքը չի կատարել իր պաշտոնական պարտականությունները: Ինքը իրավունք չուներ թույլատրեր մեր թշնամուն զինված, առանց հարձակման ներխուժել մեր պետական սահման, գրավել մեր բնագծի էն հատվածները, որն իրեն պետք է: Մեր զորքին հետ են քաշել, և այսօր մենք ունենք էն, ինչ ունենք Սոթքում»,- այսօր լրագրողների հետ հանդիպման ժամանակ խոսելով Սոթքում իրավիճակի մասին, ասել է Մոնախ անունով հայտնի Արթուր Այվազյանը:

Նա վստահեցրել է, որ Արայիկ Հարությունյանը միանշանակ հեռացվելու է պաշտոնից և դատապարտվելու է. «Դա ես պատասխանատվությամբ եմ ասում: Դրա համար բոլոր ջանքերը ես կիրառում եմ օրենքի սահմանում: Ինքը թույլ է տվել զորքի մոտեցում, ինքը պետք է խոսի՝ խի՞ է էդպես եղել»,- ասել է Մոնախը: