«Նրանք երբեք չեն ցանկացել մեզ վերադարձնել Լաչինն ու Քելբաջարը». Ալիև

Ադրբեջանի նախագահ Իլհամ Ալիևը Արցախի՝ Ադրբեջանի վերահսկողության տակ անցած Քաշաթաղի (Լաչինի) շրջան կատարած այցի ժամանակ անդրադարձել է բանակցային գործընթացին, ապա եռակողմ հայտարարությանն ու ասել. «Բանակցությունների ժամանակ նրանք երբեք չեն ցանկացել մեզ վերադարձնել Լաչինի և Քելբաջարի շրջանները։ Դա եղել է բանակցություններում պայմանավորվածության բացակայության հիմնական պատճառը։ Ցավոք, Հայաստանն ու նրա արտասահմանյան մի շարք հովանավորներ ձգտում էին նրան, որ Ադրբեջանին վերադարձվեր 5 շրջան, Ադրբեջանը բավարարվեր դրանով, Լեռնային Ղարաբաղը որևէ ժամանակահատվածում անկախություն ստանար, իսկ Քելբաջարի և Լաչինի շրջանները մնային Հայաստանի հավերժ վերահսկողության տակ: Բայց ես մերժում էի այդ առաջարկը»: