«Խորհրդարանի 1/5-րդը դիմել է Սահմանադրական դատարան՝ ընդդեմ խորհրդարանի». Էդմոն Մարուքյան

«Սահմանադրական դատարանում սպասվում էր մեր դիմումի քննությունը, որով մենք վիճարկում էինք սահմանադրական փոփոխությունների ընթացակարգը»,- այս մասին այսօր՝ լրագրողների հետ ճեպազրույցում ասաց ԼՀԿ ղեկավար Էդմոն Մարուքյանը: «Այսինքն՝ երբ որ խորհրդարանն առաջին ընթերցմամբ ընդունել է սահմանադրական փոփոխություններ և չի ուղարկել նախագիծը՝ եզրակացություն ստանալու համար, հետո դրվել է քվերակության, չի ուղարկվել, որից հետո նախագահի սահմանադրական փոփոխությունների ընդունած նախագիծը ստորագրելու լիազրությունն է վերցվել և ստորագրել է ԱԺ նախագահը»,- ասաց Մարուքյանը՝ նշելով, որ խորհրդարանի 1/5-րդը դիմել է Սահմանադրական դատարան՝ ընդդեմ խորհրդարանի:

«Այսօր Սահմանադրական դատարանը պետք է քններ այս գործով դիմումը և մենք ստացել ենք որոշումները»,- ասաց Մարուքյանը՝ նշելով, որ դրա վերաբերյալ լրացուցիչ հայտարարությամբ հանդես կգան:

«Գործի քննությունը հետաձգվել է, այն մասերը, որոնք վերաբերում են լիազորությունների վեճին, կարճվել են և մնացել են միայն ԱԺ կանոնակարգ սահմանադրական օրենքի մասով վիճարկման հարցերը»,- հավելեց նա: