Ճապոնացի պաշտոնյաներին կպատժեն վարչապետի որդու հետ ընթրելու համար

Ազգային գործերի, տեղական ինքնավարության և կապի նախարարությունը պատիժ է մշակում 11 պաշտոնյայի համար, որոնք մի քանի անգամ ճաշել են վարչապետի որդու հետ: Այս մասին գրում է NHK-ը։
Գերատեսչությունը պնդում է, որ վարչապետի որդին շահագրգիռ կողմ է հանդիսանում, քանի որ աշխատում է արբանյակային հեռարձակմամբ զբաղվող ընկերությունում, ուստի չէր կարող ընթրել պաշտոնյաների հետ։
Ինչպես գրում է պարբերականը՝ նախարարությունը որոշել է եզրակացություն հայտնել 4 ավագ պաշտոնյայի՝ մասնագիտական էթիկայի կանոնագրքի խախտման վերաբերյալ և, հավանաբար, նման որոշում կկայացվի մյուս 7-ի վերաբերյալ:
Հետաքննության մասին նախարարությունը կզեկուցի խորհրդարանի ստորին պալատի բյուջետային կոմիտեյի նիստում և զեկույց կներկայացնի պետական ծառայողների էթիկայի ազգային խորհրդին: