«Նրանք այդքան էլ մեղավոր չեն». Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Քոչարյան Անդրանիկը չի կարող չկրակել, իսկ Ավանի փոխթաղապետը չի կարող չխոսել: Ինչու՞: Որովհետև նրանք իրար նման են: Որովհետև նրանք գիտեն, որ չեն պատժվելու: Որովհետև, ի վերջո, նրանք այդքան էլ մեղավոր չեն: Նրանք շատ սովորական երևույթներ են: Նրանք կրակում կամ խոսում են միայն այն ժամանակ, երբ նրանց թույլատրվում է կրակել կամ խոսել: Իսկ վերջիններիս կրակելու կամ խոսելու թույլտվությունը մենք ենք տալիս, ավելի ճիշտ նրանք, ովքեր քվեարկում են քննարկվող սուբյեկտների ղեկավարների օգտին: Նրանք ովքեր ասում էին, թե Լևոնը (Ռոբերտը, Սերժը ) չլինի, բա ո՞վ լինի: Նրանք, ովքեր այժմ ասում են, թե Նիկոլը չլինի, բա ո՞վ լինի: Նրանք մեծամասնություն են կազմում՝ որոշիչ մեծամասնություն: Եվ քանի դեռ նրանք կան, Քոչարյան Անդրանիկը կրակելու է, իսկ Ավանի փոխթաղապետը խոսելու է: Եթե ցանկանում եք ինչ-որ բան փոխել, ապա փոխեք ձեր մեջի զգալի մեծամասնությանը՝ ՆՐԱՆՑ: Սա է»: