Վրաստանում բողոքի ակցիաներ են սկսվել Սաակաշվիլիի կուսակցության ղեկավարի ձերբակալությունից հետո. ՈՒՂԻՂ ՄԻԱՑՈՒՄ

Վրաստանում բողոքի ակցիաներ են ընթանում Միխեիլ Սահակաշվիլիի՝ «Միացյալ ազգային շարժում» կուսակցության նախագահ Նիկա Մելիայի ձերբակալությունից հետո։ Հանրահավաքներին մասնակցում են ընդդիմադիր կուսակցությունների շուրջ 100 ներկայացուցիչ, հաղորդում է РИА Новости-ն։
Ցուցարարները հավաքվել են Թբիլիսիի պետական դիվանատան շենքի մոտ։
Ընդդիմության ներկայացուցիչ Խատիա Դեկանոիձեն հայտարարել է, որ իշխանության հակառակորդները մինչև վերջ պայքարելու են Մելիայի, ինչպես նաև անկախության և ազատության համար:
«Ոչ ոք մեզ չի վերադարձնի անցյալ»,- հայտարարել է նա:
Հիշեցնենք՝ այսօր Նիկա Մելիային ձերբակալել են իր կուսակցության գրասենյակում, ուժայինները արցունքաբեր գազ են կիրառել։
Նա մեղադրվում է 2019 թվականի ամռանը հակառուսական ցույցերի ընթացքում խորհրդարանի վրա գրոհ կազմակերպելու մեջ։