«ՀՀ քաղաքական գործիչները կարիք չունեն իրենց որոշումները համաձայնեցնել ՌԴ նախագահի հետ»․ Պեսկով
959 Հինգշաբթի, 04 մարտի, 2021 թ., 15:15 ՌԴ նախագահի մամուլի քարտուղար Դմիտրի Պեսկովը Հայաստանի նախկին նախագահ Ռոբերտ Քոչարյանին բարեկամ քաղաքական գործիչ է անվանել։ Նա անհեթեթ է համարել այն միտքը, որ Քոչարյանը Մոսկվայի հետ համաձայնեցնում է Հայաստանի քաղաքական կյանքին մասնակցելու վերաբերյալ գործողությունները: Ավելի վաղ Հայաստանի նախկին նախագահ Ռոբերտ Քոչարյանը հայտարարել էր, որ պատրաստ է կրկին հավակնել երկրի առաջնորդի պաշտոնին: «Հայաստանում քաղաքական գործընթացի մասնակիցները կարիք չունեն իրենց որոշումները համաձայնեցնել Ռուսաստանի նախագահի հետ։ Սա միանգամայն անհեթեթ հարցադրում է։ Ինքը՝ Ռոբերտ Սեդրակովիչն, իհարկե, Ռուսաստանի մեծ բարեկամն է։ Նա համոզված է, որ Հայաստանի համար օգտակար կլինի հետագայում ևս զարգացնել և խորացնել փոխգործակցությունը ՌԴ-ի հետ»,-լրագրողներին ասել է Պեսկովը՝ պատասխանելով այն հարցին, թե արդյոք Քոչարյանն իր որոշումը համաձայնեցրել է ՌԴ նախագահ Վլադիմիր Պուտինի հետ, և ինչպես է Ռուսաստանի նախագահը վերաբերվում Հայաստանի քաղաքական կյանքին մասնակցելու՝ Քոչարյանի ցանկությանը։ Նա հստակեցրել է, որ այդ քաղաքական գործիչների թվին է դասվում նաև վարչապետ Նիկոլ Փաշինյանը։ «Մենք կենտրոնանում ենք նրա համապատասխան հայտարարությունների վրա։ Դուք գիտեք, որ շատ ակտիվ երկխոսություն է ընթանում իր և Ռուսաստանի նախագահի միջև։ Դուք գիտեք, թե ինչ լարված աշխատանք է նախորդել եռակողմ փաստաթղթի ստորագրմանը, որը վերջ դրեց ղարաբաղյան պատերազմին։ Այդ պատճառով այդ հարաբերություններն, իրոք, նույնպես շատ արժեքավոր են»,-եզրափակել է Պեսկովը։ |
«Առաջարկում եմ Կիրանցը դարձնել Տավուշի մարզկենտրոն»․ Գեղամ Նազարյան (տեսանյութ)
2611:30«Դուք ՔՊ-ի օմբուդսմենն եք»․ Թագուհի Թովմասյանը՝ ՄԻՊ Անահիտ Մանասյանին (տեսանյութ)
4411:18«Ուկրաինան կարող է բրիտանական զենքով հարվածել Ռուսաստանին»․ Քեմերոն
11210:48«Հայաստանը ազատ անկման մեջ է դեպի բռնակալություն»․ Արթուր Խաչատրյան (տեսանյութ)
6310:36Ադրբեջանում կարող են արտահերթ խորհրդարանական ընտրություններ անցկացվել
11010:30ԱԺ նիստը՝ ուղիղ միացմամբ (տեսանյութ)
7210:00Վրաստանի վարչապետը հրաժարվել է ԱՄՆ այցից՝ Վաշինգթոնի պահանջի պատճառով
11309:54Կարեն Անդրեասյանի խնդրահարույց և աչառու պաշտոնավարումը՝ Freedom House -ի զեկույցում. «Ժողովուրդ»
7308:54