Ուրբաթ, 29 մարտի, 2024 թ.
|
Ստեփանակերտում`   +12 °C

Facebook-ը վերացնում է քաղաքական գովազդի արգելքը

Facebook-ը վերացնում է քաղաքական գովազդի արգելքը
1664
Հինգշաբթի, 04 մարտի, 2021 թ., 22:30

Facebook ընկերությունը հայտարարել է, որ վերացնում է քաղաքական գովազդի ցուցադրման արգելքը, որը սահմանվել էր 2020 թվականի նոյեմբերին ԱՄՆ-ում կայացած ընտրություններից հետո:
«Մարտի 4-ին մենք վերականգնում ենք Միացյալ Նահանգներում քաղաքականության, ընտրությունների և հասարակական նշանակության հարցերի հետ կապված գովազդի ցուցադրումը։ Մենք այս ժամանակավոր արգելքը սահմանել էինք 2020 թվականի նոյեմբերի ընտրություններից հետո, որպեսզի խուսափենք խառնաշփոթից և չարաշահումներից»,-հաղորդվում է ընկերության կայքում:
«Առաջիկա ամիսներին մենք ավելի մանրամասն կուսումնասիրենք այդ գովազդների ազդեցությունը մեր ծառայությունների վրա՝ հասկանալու, թե ինչ փոփոխություններ կարող ենք կատարել»,–ասվում է հաղորդագրության մեջ:

Ավելի վաղ հայտնի էր դարձել, որ ամերիկյան Google ընկերությունը նույնպես վերացնում է քաղաքական գովազդի արգելքը, որը սահմանվել էր հունվարին՝ Վաշինգթոնում տեղի ունեցած անկարգություններից հետո և ԱՄՆ-ի նախագահ Ջո Բայդենի երդմնակալության նախաշեմին: