Երկուշաբթի, 05 հոկտեմբերի, 2026 թ.
|
Ստեփանակերտում`   +10 °C

Անտոնովն ԱՄՆ-ին կոչ է արել դադարեցնել պատժամիջոցներով սպառնալը

Անտոնովն ԱՄՆ-ին կոչ է արել դադարեցնել պատժամիջոցներով սպառնալը
871
Ուրբաթ, 05 մարտի, 2021 թ., 17:50

ԱՄՆ-ում Ռուսաստանի դեսպան Անատոլի Անտոնովը «Կոսմոս Քլաբ» քննարկման ակումբում իր ելույթի ժամանակ նշել է, որ Մոսկվան «աչք չի փակում Վաշինգթոնի հետ հարաբերություններում կուտակված խնդիրների վրա» և պատրաստ է քննարկել դրանք, սակայն անհրաժեշտ է, որ ամերիկյան կողմը դադարեցնի պատժամիջոցներով սպառնալը: Այս մասին ասված է նրա հայտարարության մեջ։ «Պետք է դադարեցնել պատժամիջոցներով սպառնալը, լուծել ռուսական դիվանագիտական սեփականության հարցերը, վերականգնել գլխավոր հյուպատոսությունների գործունեությունը»,- հայտարարել է Անտոնովը:

ԱՄՆ-ում ՌԴ դեսպանը հայտարարել է նաև, որ Վաշինգթոնն ու Մոսկվան պետք է միավորեն ջանքերը մի շարք ոլորտներում։

«Մեր երկրների շահերց կբխի միավորել ջանքերը կորոնավիրուսի համաճարակի, ահաբեկչության, զանգվածային ոչնչացման զենքի տարածման և կլիմայի փոփոխության, ինչպես նաև տիեզերքում համատեղ զարգացման և Արկտիկայի էկոլոգիայի պաշտպանության համար պայքարում»,- նշել Է Անտոնովը:

Մարտի 2-ին Եվրոմիությունը և ԱՄՆ-ը պատժամիջոցներ են սահմանել Ռուսաստանի դեմ՝ Ալեքսեյ Նավալնիի հետ կապված միջադեպի պատճառով:

Կարդացե՛ք նաև