Ուրբաթ, 26 ապրիլի, 2024 թ.
|
Ստեփանակերտում`   +18 °C

«Երկու փաստ, որոնց մասին շատ է խոսվում հայկական ընդդիմադիր շրջանակներում». Բորիս Նավասարդյան

«Երկու փաստ, որոնց մասին շատ է խոսվում հայկական ընդդիմադիր շրջանակներում». Բորիս Նավասարդյան
954
Երկուշաբթի, 08 մարտի, 2021 թ., 09:30

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է․ «Երկու փաստ, որոնց մասին շատ է խոսվում է հայկական ընդդիմադիր շրջանակներում. 1. Թուրքիան աջակցություն է հայտնում Փաշինյանին ՀՀ-ում ռազմական հեղաշրջման վտանգի համատեքստում։ 2. Թուրքիան և Ադրբեջանը պատրաստվում են նոր պատերազմի։
Երկու արձանագրում դրանց վերաբերյալ. 1. Անկարայում չեն կարող չգիտակցել, որ իր աջակցությունը և քննադատությունը հայ հանրության մոտ հակառակ էֆեկտն են ունենում։ 2. Բաքվում շատ լավ հասկանում են, որ Ալիևի ագրեսիվ հայտարարությունները Հայաստանի հասցեին սրում են մեր երկրում քաղաքական առճակատումը։
Այստեղից երկու հետեւություն. 1. Չենք կարող բացառել, որ ռազմական հեղաշրջումը ցանկալի զարգացում է Ադրբեջանի և Թուրքիայի համար որպես ուժային միջամտությունը արդարացնող պատրվակ։ 2. Դա չի նշանակում, որ ամեն ինչ ձախողած ներկա կառավարությունը չպիտի օր առաջ հեռանա, բայց դա պետք է տեղի ունենա հնարավորինս խաղաղ, սահմանադրական ճանապարհով և հենց իշխող քաղաքական ուժի կամավոր որոշմամբ»: