«Հստակ երևում է՝ մարդն առաջին օրն եկել է՝ նպատակ ունենալով ՀՀ ԶՈւ գլխատել». Գեղամ Մանուկյան

«Այն կետը, որի վրա կառավարությունը հղում անելով ասում է՝ «Ես երբ ուզենամ...», Նիկոլ Փաշինյանն էլ՝ քնի-արթնանա, կամ գիշերը խումարի մեջ լինի՝ որոշի գլխավոր շտաբի պետ փոխել..., ինքը կարող է փոխել: Այդ փոփոխությունը տեղի է ունեցել 2018թ. հունիս ամսին»,- լրագրողների հետ զրույցում՝ անդրադառնալով Կառավարության՝ ԳՇ պետ Օնիկ Գասպարյանին պաշտոնից ազատելու հայտարարությանը, ասաց ՀՅԴ-ական գործիչ Գեղամ Մանուկյանը:

«2018 թվականի մայիսի 7-8-ին վարչապետ ընտրված Նիկոլ Փաշինյանը մի քանի օր հետո արդեն նախաձեռնել է փոփոխություն՝ ենթադրելով, որ դրանով կարող է գլխավոր շտաբի պետ պաշտոնազրկել: Հստակ երևում է՝ մարդն առաջին օրն եկել է՝ նպատակ ունենալով ՀՀ ԶՈւ գլխատել»,- նշեց նա: