«Ցանկանում ենք, որ Հայաստանում ստեղծված իրավիճակը հնարավորինս շուտ կարգավորվի»․ Ռուդենկո

Հայաստանում ստեղծված իրավիճակը երկրի ներքին գործն է, Ռուսաստանը շահագրգռված է, որ այնտեղ ստեղծված իրավիճակը հնարավորինս շուտ կարգավորվի։ Այս մասին լրագրողներին հայտնել Է ՌԴ ԱԳ փոխնախարար Անդրեյ Ռուդենկոն։
«Դա դիտարկում ենք որպես Հայաստանի ներքին գործ։ Մենք չենք միջամտում այնտեղ տեղի ունեցող գործընթացներին և ոչ ոքի չենք սատարում։ Ցանկանում ենք, որ իրավիճակը հնարավորինս շուտ կարգավորվի, քանի որ դա բոլորի օգտին կլինի»,- ասել է նա։
Ռուդենկոն հայտարարել է նաև, որ Ռուսաստանը հույս ունի, որ Լեռնային Ղարաբաղում իրավիճակը չի սրվի։
«Հուսով ենք, որ դրան չի հասնի»,- ասել է դիվանագետը՝ պատասխանելով համապատասխան հարցին: