ՀՀ ԱԺ աշխատակազմի ղեկավար-գլխավոր քարտուղար Տիգրան Գալստյանն աշխատանքից ազատման դիմում է ներկայացրել

ՀՀ ԱԺ աշխատակազմի ղեկավար-գլխավոր քարտուղար Տիգրան Գալստյանը աշխատանքից ազատման դիմում է ներկայացրել. «Հարգելի ընկերներ, ցանկանում եմ տեղեկացնել, որ երեկ իմ վերջին աշխատանքային օրն էր ՀՀ Ազգային ժողովի աշխատակազմի ղեկավար-գլխավոր քարտուղարի պաշտոնում: Աշխատանքային գործունեությունս շարունակելու եմ մասնավոր ոլորտում:
Ենթադրելով հնարավոր շահարկումները՝ տեղեկացնում եմ, որ որոշումս պայմանավորված է բացառապես անձնական պատճառներով։
Շնորհակալություն եմ հայտնում Ազգային ժողովի նախագահ Արարատ Միրզոյանին վստահության և երկամյա համատեղ արդյունավետ աշխատանքի համար։ Շնորհակալ եմ նաև ԱԺ աշխատակազմի յուրաքանչյուր աշխատակցին այս դժվար ժամանակաշրջանում կատարած անձնվեր աշխատանքի համար։ Միասին բազմաթիվ նախագծեր իրականացրեցինք, և վստահ եմ, որ հետայսու աշխատակազմն ավելի մեծ և հավակնոտ ծրագրեր է իրականացնելու ի շահ քաղաքացիների»,- «Ֆեյսբուք»-ում գրել է Տ. Գալստյանը: