Հարավային Կովկասի հարցերով ԵՄ հատուկ ներկայացուցիչն Ադրբեջանում է. քննարկվել է ԼՂ թեման

Ադրբեջանի նախագահ Իլհամ Ալիևն ընդունել է Հարավային Կովկասի հարցերով Եվրոմիության հատուկ ներկայացուցիչ Տոյվո Կլաարին:
Այս մասին հայտնում է ադրբեջանական լրատվամիջոցը։
Հանդիպման ընթացքում մտքեր են փոխանակվել Ադրբեջանի և ԵՄ-ի միջև համագործակցության հեռանկարների շուրջ։
Զրույցի ընթացքում քննարկվել է նաև տարածաշրջանում նոր աշխարհաքաղաքական իրավիճակը, Լեռնային Ղարաբաղի՝ Ադրբեջանի վերահսկողության տակ անցած տարածքներում վերականգնողական աշխատանքների անցկացումը, տարածաշրջանում տրանսպորտային նախագծերի իրականացումը: