«Իրա հետ ի՞նչ կոմպրոմիսի պիտի գնաս». Վազգեն Մանուկյան

«Եթե մեր առաջարկած օրակարգով Փաշինյանը և խմբակցությունները համաձայնեն վարել խորհրդակցություններ, մենք պատրաստ ենք այդ հանդիպմանը»,- այսօր՝ լրագրողների հետ զրույցի ժամանակ հայտարարեց «Հայրենիքի փրկության շարժման» վարչապետի թեկնածու Վազգեն Մանուկյանը՝ անդրադառնալով նախագահի հրավերին:

Դիտարկմանը, թե տպավորություն է, որ ընդդիմությունը չի ցանկանում փոխզիջումների գնալ՝ այդպիսով լարելով իրավիճակը, Մանուկյանն ասաց. «Կան հարցեր, որտեղ մարդիկ կարող են գնալ կոմպրոմիսների, բայց երբ դու գիտես, որ քո երկրի ղեկավարը բացարձակապես տապալել ա քո երկիրը, խայտառակ պարտություն ա կրել, իրա հետ ի՞նչ կոմպրոմիսի պիտի գնաս: Անիմաստ ա. մինչև ինքը չգնա, որևիցե հարցի շուրջ կոմպրոմիս չի լինի. կա՛մ ինքը գնում է, կա՛մ չի գնում. միակ խոսակցությունը դա է»,- ասաց նա: