«Հունիսի 1-ից հետո չենք կարող երաշխավորել, որ մեր կողմից առաջադրումներ չեն լինի». Էդմոն Մարուքյան

«Մեր կուսակցության համար ժամկետը մինչև հունիսի 1-ն է, որ պետք է խորհրդարանական արտահերթ ընտրություններն ավարտված լինեն, դա նշանակում է՝ առաջիկա տասն օրվա մեջ մեկնարկի ԱԺ-ի լուծարման գործընթացը»,- ճեպազրույցի ժամանակ ասաց ԼՀԿ ղեկավար Էդմոն Մարուքյանը՝ պատասխանելով հարցին՝ ժամկետների հետ կապված քննարկումներ եղե՞լ են, թե՞ ոչ: «Կունենանք համախոհություն, եթե մեր ասած ժամկետում իրականացվի: Հունիսի 1-ից հետո չենք կարող երաշխավորել, որ խորհրդարանում մեր կողմից վարչապետի թեկնածուի առաջադրումներ չեն լինի: Մեր կոնսենսուսը կարող է կայանալ, եթե այն տեղի է ունենում մինչը հունիսի 1-ը»,- հավելեց պատգամավորը: