«Որևէ դիրքի մասին խոսք չի եղել և չի լինելու». ՊՆ փոխնախարար

Կապանի դիրքը թողնելու հրաման եղե՞լ է, թե ոչ. ԱԺ ճեպազրույցում պատասխանելով լրագրողների հարցին, Պաշտպանության փոխնախարար Արման Սարգսյանը պատասխանեց. «Դիրք թողնելու հրամանի մասին խոսք չկա: Այդ տեսանյութում հնչեցված խնդիրների, և, առհասարակ, հնչած տեսակետների առնչությամբ նախապատրատվում են նյութեր: Ես վաղաժամ չեմ ուզում հայտարարություններ անել, որ դրանց մեծ մասը չի համապատասխանում իրականությանը»,- ասաց Ա. Սարգսյանը՝ հավելելով, որ թեև խնդիրներ կան, սակայն դրանց լուծման ուղղությամբ իրականացվում են ամենօրյա աշխատանքներ:

«Ես կարող եմ վստահեցնել, որ մտահոգության որևէ կարիք չկա: Որևէ դիրքի մասին խոսք չի եղել և չի լինելու»,- ասաց ՊՆ փոխնախարարը: