Փաշինյանին հարց ուղղած ադրբեջանցի բլոգերին 5-10 տարվա ազատազրկում է սպառնում

Ադրբեջանցի բլոգեր Աթա Աբդուլաևին սպառնում է 5-10 տարվա ազատազրկում: Այս մասին հայտնում է ադրբեջանական լրատվամիջոցը։

Ի սկզբանե Աբդուլաևը մեղադրվել է շորթման և կրկնակի իրավախախտումների մեջ։
Սակայն, ինչպես կարծում է փաստաբան Վուգար Բաբաևը, գործը կարող է վերաորակվել ավելի ծանր հոդվածով:
«Եթե նրան մեղադրանք առաջադրեն միայն այս հոդվածով, Աբդուլաևը կարող է դատապարտվել 5-10 տարվա ազատազրկման»,- ասել է Բաբաևը՝ հավելելով, որ բլոգերի ունեցվածքը նույնպես կարող է առգրավվել:
Եթե քննության ընթացքում լրացուցիչ փաստեր հայտնաբերվեն, Աբդուլաևը կարող է ավելի խիստ պատժվել՝ 10–15 տարվա ազատազրկում՝ գույքի բռնագրավմամբ։
Բլոգեր Աթա Աբդուլաևը ձերբակալվել է մարտի 13-ին Բաքվում: Նրա նկատմամբ որպես խափանման միջոց է ընտրվել 4 ամիս ազատազրկումը։