«Ռուսաստանը պատրաստ է ԱՄՆ-ի հետ հարաբերություններում իրավիճակի բարդ զարգացմանը». Լավրով

Ռուսաստանը պատրաստ է ԱՄՆ-ի հետ հարաբերություններում իրավիճակի բարդ զարգացմանը, հայտարարել է ՌԴ ԱԳ նախարար Սերգեյ Լավրովը:
«Այնպես որ իրավիճակը (ԱՄՆ-ի հետ հարաբերություններում) իրականում հեշտ չէ, բայց մենք պատրաստ ենք իրադարձությունների նման զարգացմանը»,- ասել է Լավրովը:
Նա հիշեցրել է այն դիրքորոշումը, որ ՌԴ-ն պատրաստ կլինի համագործակցել ԱՄՆ-ի հետ միայն այն ոլորտներում, որոնք իրեն հետաքրքիր են և ձեռնտու:
Հիշեցնենք, որ ավելի վաղ ԱՄՆ նախագահ Ջո Բայդենը՝ ԶԼՄ-ների այն հարցին, թե արդյոք նա իր ռուս գործընկերոջը «մարդասպան» է համարում, պատասխանել էր, որ «համարում է»: