«Կասկածում ենք, որ կլինեն ընտրություններ». Իշխան Սաղաթելյան

«Ընտրություններ կազմակերպելու վերաբերյալ Նիկոլ Փաշինյանի հայտարարությունը դեռ փաստ չէ, որ տեղի են ունենալու խորհրդարանական արտահերթ ընտրություններ»,- Բաղրամյան պողոտայում հրավիրված ասուլիսի ժամանակ հայտարարեց ՀՅԴ ԳՄ անդամ, «Հայրենիքի փրկության շարժման» համակարգող Իշխան Սաղաթելյանը:

Նրա խոսքով՝ որպեսզի տեղի ունենան արտահերթ ընտրություններ, նախևառաջ պետք է հրաժարական տա Փաշինյանը. «Այն ֆեյսբուքյան ստատուսը, թե տեղի են ունենալու ընտրություններ հունիսի 20-ին, դա մեզ մոտ հավատ չի ներշնչում: Էս ժամանակահատվածում իրենք մի քանի անգամ արդեն խոսել են ընտրությունների մասին, շատ արագ հրաժարվել են, պատերազմի ընթացքում 44 օր ստով և կեղծիքով կերակրել են մեզ. ունենք բավարար հիմքեր՝ կասկածելու, որ տեղի կունենան այդ ընտրությունները»,- ասաց Իշխան Սաղաթելյանը: