«Փաշինյանի ղեկավարությամբ այդ ընտրությունները կկեղծվեն». Իշխան Սաղաթելյան

Ինչպես արդեն հայտնել էինք, «Հայրենիքի փրկության շարժում»-ը կասկածում է, որ հունիսի 20-ին կլինեն ընտրություններ: Բայց, այնուամենայնիվ, ըստ ՀՅԴ ԳՄ անդամ, «Հայրենիքի փրկության շարժման» համակարգող Իշխան Սաղաթելյանի, եթե ընտրությունները տեղի ունենան, «հավանականությունը մեծ է, որ դրանք կկեղծվեն»:

«Մենք գտնում ենք, որ խորհրդարանական արտահերթ ընտրութուններն անհրաժեշտ և կարևոր պայման են՝ երկրում ստեղծված իրավիճակից դուրս գալու համար, բայց կա մեծ վտանգ, որ դա չի լինելու մրցակցային, հավասար պայմաններով: Կա մեծ հնարավորություն, որ էդ ընտրությունները կեղծվելու են, և իրականում այդ ընտրությունները կարող են լինել ոչ թե ստեղծված իրավիճակից դուրս գալու ելք, այլ, հնարավոր է, նոր ճգնաժամ սկսվի»,- հայտարարեց Սաղաթելյանը՝ հավելելով, որ միակ ճիշտ օրակարգն այն է, որն առաջարկել է «Հայրենիքի փրկության շարժում»-ը: