«Տեր-Պետրոսյանն իր փառահեղ կարիերայի ընթացքում երկու անգամ փախուստի շատ լավ օրինակ ա ցույց տվել». Փաշինյան

«Լևոն Տեր-Պետրոսյանը հայտարարություն ա անում, ասում ա՝ կազմակերպենք, վարչապետը Հայաստանից գնա, ուրիշ երկրում ապաստան գտնի։ Չհասկացա՛։ Լևոն Տեր-Պետրոսյանն իր քաղաքական փառահեղ կարիերայի ընթացքում երկու անգամ փախուստի շատ լավ օրինակ ա ցույց տվել»,- Արագածոտնի մարզում բնակիչների հետ հանդիպման ժամանակ ասել է ՀՀ վարչապետ Նիկոլ Փաշինյանը՝ անդրադառնալով Առաջին նախագահի հայտարարությանը: «Ես նմա՞ն եմ մարդու, որ կարող է փախնել։ Եթե իմ ժողովուրդը պետք ա որոշի, որ ինձ գնդակահարելու ա, ես խոնարհ կանգնելու եմ էդ գնդակահարության պատի տակ։ Որևէ մեկը չմտածի, թե ժողովրդի կայացրած որևէ որոշումից կփախնեմ։ Եվ դուք ունեք էդ իրավունքը, ժողովո՛ւրդ»,- հավելել է Փաշինյանը։