«Փաշինյանը խոստովանեց». #Риа_новости-ի անդրադարձը վարչապետի հայտարարություններին

Ռուսական մամուլն անդրադարձել է վարչապետ Փաշինյանի՝ Արագածոտնի մարզ կատարած այցին և այնտեղ արված հայտարարություններին:

Այսպես, Риа новости-ն գրել է, թե Փաշինյանը խոստավանեց, որ Հայաստանը Ռուսաստանից գնել է Սու -30 ՍՄ կործանիչներ՝ առանց հրթիռների:

Հիշեցնենք՝ Փաշինյանը երեկ հայտարարել էր. «Նրանք մեզ ասում են. Ինչո՞ւ եք գնել ինքնաթիռը: Այո, մենք գնել ենք ինքնաթիռը, այն առաքվել է մայիսին, և այո, մենք ժամանակ չունեինք հրթիռները գնել պատերազմից առաջ»:

Լրատվամիջոցը նշում է, թե Փաշինյանը ողջ պատասխանատվությունը գցել է նախկին իշխանությունների վրա. «Ինքնաթիռներ կգնեիք, որ մենք հրթիռներ գնե՞նք: Ինչո՞ւ 26-ամյա պետությունը կործանիչ ինքնաթիռներ չուներ»,- ասել էր Փաշինյանը:

Риа новости-ն մեջբերել նաև ՀՀ ՊՆ ռազմական վերահսկողական ծառայության նախկին պետ Մովսես Հակոբյանի խոսքերը, թե Ռուսաստանից գնված Սու -30 ՍՄ-ն զինամթերքով հագեցած չեն եղել: «Նրա խոսքով, Ռուսաստանը 130 կիլոմետր հեռահարությամբ «օդ-օդ» հրթիռներ չի վաճառում այլ երկրներին: Հայաստանի իշխանությունները չեն հաստատել այս հայտարարությունը»,- գրել է լրատվականը:

Հիշեցնենք՝ 2020-ի հուլիսի 3-ին Փաշինյանը ֆեյսբուքյան իր էջում գրել էր, թե ինքնաթիռները «մարտական խոցումով» առաջին մարտական թռիչքներն է իրականացրել՝ փորձարկելով երկինք-երկիր հրթիռներ «գրոհային գործողության համար»: Բոլոր թիրախները խոցվել են բարձր ճշգրտությամբ: Սա փաստում է, որ ըստ երույթին, 2020-ի հուլիսին Փաշինյանը ստել է: